Tokorua ngā tāne ka hāmenetia pea mō te whānako pāua mai i ngā puna kōhatu ki te Āpure Moana o Taputeranga, ki Te Whanganui-a-Tara.
I hopukina ngā tāne nei e ngā kaitiaki o Te Papa Atawhai i tērā wiki whai muri i tā ētahi mema o te hapori whakapā atu ki a rātau.
E tauwhirotia ana ngā tini a Tangaroa i te Āpure Moana rā i raro i te ture. Pēnā ka tangohia mai e te tangata he kaimoana i te wāhi nei, ka mauherea pea ia mō te toru marama, ka whiwhi whaina rānei, he tekau mano tāra te wāriu
