Ko te tukinga NRL All Stars te mutunga kē mai nei o te hirahira ki te Māori me ngā iwi moemoeā, nā, kua haina kirimana a Whakaata Māori me Rangitata e whakapāho tukutahi ai te kēmu.
Ka mutu, he reo Māori te reo ka whakapāhotia ki Whakaata Māori, he reo Pākehā ki Rangiata.
I tīmata te whakataetae NRL All Stars i te tau 2010, ā, i taua wā rā, i tuki te kapa iwi moemoeā ki tētahi kapa nō ngā iwi maha o te whakataetae NRL.
Ā, i te tau 2019, ko ngā kapa Māori tērā kua uru atu, hei hoa tākaro mō te kapa iwi moemoeā.
Hāunga rā anō te wāhi ki te papatākaro, ko te tuitui i te taura here ki te ahurea o ngā iwi e rua tētahi tino kaupapa o te wiki, me te aha, ehara i te mea ko te hunga tāne anake ka kitea.
Arā ngā kapa wāhine Māori, iwi moemoeā anō hoki ka tukia.
Hai tā te kaiwhakahaere pāpāho, āpiha arumoni hoki o Rangiata, tā Jonny Errington, e hīkaka ana rātau ko Rangiata ki te whakapāho atu i te whakataetae nei ki tō Whakaata Māori taha.
“We are excited to partner with Whakaata Māori once again to bring the Harvey Norman All Stars to a broader audience throughout Aotearoa. Through this partnership, we will all benefit from the Whakaata Māori team providing te reo Māori commentary and a te ao Māori perspective for these fixtures.”
E tautokohia ana te kōrero a Errington e te Kaiurungi Pāpāho o Whakaata Māori, e Maria Barlow, kia whakatairanga ngātahitia ai tēnei kaupapa.
“We saw overwhelming engagement with our audiences when we broadcast LIVE NRL in 2024 in te reo Māori as part of our partnership with Sky.”
“The NRL All Stars highlights the contribution of Māori players to rugby league and the NRL and we are thrilled to broadcast indigenous sporting excellence in our reo across the motu for all to enjoy.”
E 17 ngā pakihi Māori, e 17 hoki ngā pakihi iwi moemoeā ka whakatūria hai wāhanga anō o te whakataetae, e tutuki ai te hiahia, kia taketake ake nei tōna āhua.
Hai te 15 o Pēpuere tū ai te whakataetae NRL All Stars, ki Poihākena.
