Teleiai Edwin Puni, Heamana o Pacific Leadership Forum. Pūtake/Teleiai Edwin Puni. Kua whakaaetia kia whakamahia.
E ai ki te Pacific Leadership Forum, ko ōna iwi ka nui te tūpono pākia e te Coronavirus. Hei kaupare i te kino, he rōpū i Aotearoa nei kei te tuku i āna ratonga hei awhi i te kāwanatanga ki te whakarite i ngā hapori mō te pakanga nui kei mua i te aroaro.
I tētahi karere, ko te kōrero a te rōpū, “This is a great risk not only to the Pacific communities, but also to the wider New Zealand population.”
E ai ki te rōpū, ko te noho tōpū a ngā hapori Pasifika te take ka nui te tūpono pākia ai rātou. Nā te huhua o ngā reo a tēnā, a tēnā i te hapori kotahi, he uaua te whakamārama ake i ngā tikanga noho taratahi e whakapūmautia ana e te kāwanatanga.
Ko tā te hea o te Pacific Leadership Forum, ko tā Teleiai Edwin Puni, “Particularly for Pacific church and community leaders to inform its congregations and communities the need to minimise or cancel huge gatherings and reduce regular meetings.”
Kua puta i te rōpū tana tautoko mō te whakakorenga o ngā taiopenga Pasifika, Polyfest anō hoki. E ai ki a Puni:
“It was the right call although our hearts go out to the stallholders and those that travelled from the islands.
“Prevention is better than cure.”