Nō te pōautinitini ki Ōtautahi i te Maehe, he kaha rawa te mahi tahi a ngā ratonga hauora nō Waitahā me Tāmaki Makaurau ki te awhi i ngā hapori Ihirama. I te rā nei, i hui ngātahi ētahi o taua hapori tonu rātau ko ngā kaimahi hauora Māori ki te marae o Rehua, i Ōtautahi, ki te hāpai ake i ngā ratonga oranga hinengaro e whakahaerehia ana i raro i te kohinga o Purapura Whetū, ko ngā kaupapa Māori te tūāpapa.
Ko ngā maharatanga mō te parekura nui ki tō rātou hapori i ngā marama e whitu marama ki muri, he mata tonu.
Ko te ahu whakamua te hiahia a te hapori Ihirama, ā koia te tino whāinga i tēnei hui.
Hei tā Bader Dokhan, kaimahi o Purapura Whetū, "I'm from the Muslim community so I'm trying now to build the bridges between Māori and Muslim because what happened affected everyone here."
E kaha ana ngā whakawhitinga kōrero i runga i te whāinga matua kia whai oranga ai rātou e pākia ana e te hinengaro ngaukino.
E ai ki a Karaitiana Tickell, Toihau o Purapura Whetū, "Te tuatahi me whakaatu tēnei mea ki ngā whānau e pā mai ki tēnei mate, tērā te tuatahi. Ā muri mai i tērā, hei hoatu ngā mea oranga ki ngā mea katoa."
"More than 112 families because we are talking about 91 between deceased and injured," tā Dokhan.
Ā, ko tāna e tūmanako tonu ana, ko te ara ki paerangi, he ara kōtahi.
“Finally we're talking about one society living in NZ so if we are focusing on what we have in common rather than our differences. That's the best way to build society and community."
Mutu ana tēnei hui, ka āta tirotiro a Purapura Whetū ki tēnei kaupapa, kia kaha tonu te tautoko atu i te oranga hinengaro o ngā whānau o te hapori Ihirama.