Kaua e tango i ngā kaimoana maha, koia te akiaki Te Tini a Tangaroa, arā, kia whai te hunga ruku moana i ngā tikanga e rahi tonu ngā pātaka kai i te puku o Hine Raumati.
Hei tā te Āpiha Matua o Te Tini a Tangaroa ki Te Tairāwhiti hei tā Richard Ratapu, “He rā anō, he rā anō ki te ruku moana ki te haere ki te hī ika, ki ōku nei whakaaro, kaua e haere ki te whakakīkī rawa ngā pouaka makariri”.
Hei tā Ratapu he ngāwari noa te tango i ngā kaimoana maha i tēnei wā o te tau.
“I tēnei ata, ka haere au ki te moana o Wainui, kua tae mai te tangata, e rua ngā koura, he iti. Ka kōrero au ki a ia, ka hoatu he warning ki a ia”, te kī a Ratapu.
Tekau ngā pāua, e ono ngā koura, rima tekau ngā kina ka tarea e ia tangata te tango. Me nui ake ngā koura tāne i te 55mm, ā, me nui ake ngā koura wahine i te 60mm.
“Mēnā kei te pīrangi koe ki te tiki he nuinga, he whakaaro anō, haere ki te marae, tiki permit, tiki authorisation, mā te kaitiaki e hoatu”, te kī a Ratapu.
Hei tā Ratapu ko rātau ngā kaitieki, arā, he huarahi pai mā te Māori.
“Ki oku nei whakaaro he pai tānei wāhi, he pai tānei mahi mō ngā Māori nō te mea ka haere koe ki te awhi te tangata, he kaitiaki kē mātau mō te moana”, te kī a Ratapu.
[ Kei te whārangi ipurangi a Te Tini a Tangaroa ngā tikanga kohi kaimoana. Opens in new window ]