Neke atu i te rua rau, rima tekau ngā pouaka mīere, ā, toru rau neke atu ngā kete kai kua tākoha mai tētahi o ngā kamupene mīere manuka nui o Aotearoa ki te tari o te ope whakaora ki Rotorua me te whare hapori tuku kai o Tauranga ko tā te hiahia o Comvita kia tū tēnei mahi ia tau. Ia marama, e rua ngā kōpaki mīere ka whakataha mo ngā kaimahi o Comvita.
Heoi, mo te marama o Hakihea i puta te inoi ki ngā kaimahi kia tākoha o rātou mīere ki ngā rōpū awhina. Hei tā Nikki Reedy mai a Comvita “miharo te kite i ngā kaimahi e tākoha ana ki ngā rōpū awhina, manawanui ana mātou. Otira ko tautoko mai te kamupene, ā, ia mīere i tākoha atu mai i ngā kaimahi i tākoha hoki rātou i tētahi mīere kia nui te koha”. Ki te tari o Paengaroa, kotahi rau rima tekau ngā kaimahi i tuku koha.
I tēnei tau i piki te wāriu hoko a te kamupene ki te tekau mā wha ira waru miriona. Na whai anō te whakahau a te Tumu Whakarae a Scott Coulter me whai whakaaro ki te awhina i a rātou e raru ana. “He rawe te wairua i te wā ka tuku taonga koe ki tētahi i tēnei wāhanga o te tau, he wā puku mahi, he nui tonu ngā tūahuatanga hei whakaoti heoi ko te whakaaro nui hei awhina i tētahi atu”. Tekau mā rima tāra te utu mo te rima rau kirokaramu, ā, ko te whakahau mai te āpiha o te ope whakaora ki Rotorua a Kylie Overbye i ohorere katoa rātou te whakawhiwhi i ngā mīere nei.
“Ka rawe te whiwhi i ngā pākehe mīere, he nui te utu mo te mīere, ka mutu i tau mahi hoki ngā kai, kua whai wā ngā whānau ki te whiwhi i tētahi kai tino mīharo”. Ko tō Comvita kia ora tonu te wairua tākoha, ā, kia tāngata whenua hoki tēnei mahi.