Na te hōhā ki te nui o te pātara hopi i roto i te paepae hangarua o te kāinga ia wiki, ka aro a Daniel Stephen-Kingi, tekau mā rua tau te pakeke, ki te rapu ara hōu. Nā ngā tohutohu a tōna kaiako Para-Kore i huri ai ia ki te hanga hopi taiao. Kua hou mai ki te kura ki te whakaea tono hoko. Ko tēnei akomanga i TKKMāori o Whakarewa i te reo ki Tūwharetoa, te taiwhanga hanga hopi o Dandan me tana whanau. “I timata ahau ngā mahi Parakore, i te mahi ngā patara hopi, kia tiaki i a Papatuanuku”.
Nā ngā akoranga a tōna kaiako para-kore ka rongo a Dandan, e wha rau, rima tekau tau te roa o te whakapopohanga o te pātara kirihou. Hei tā Raewyn Rameka te kaiako mo te Para-Kore “i hoki atu ia ki te kainga ko ana mahi ko te hanga-rua i tōna kainga, i kitea te maha o ngā pātaka Kirihoū, pātaka hopi makawe, na reira i whakaaro ia kāore i te pai”. I te marama o Mahuru timata ai tana hoko hopi, nō te marama ka huri i toa ia i ngā tohu mo te auaha me te rangatiratanga ki raro i ngā tohu rangatahi o te kaunihera a rohe o Taupō. Mo tōna māmā a Miria Stephens “ka inoi mai tana kuia mo tētahi hopi, tana whāea kēkē, mea rawa ake kei te tukunga atu ngā hopi ki Rāhui Pōkeka, ka tono mai ana whāea kēkē ka tukunga anō ka rangona whānui te kōrero”. “Tino miharo te katoa ki a Dandan, he nui ana mahi kua tino whanake tana pakihi, hoko hopi, he tauira hoki ia mo ana hoa pai ake te tiaki i a Papatuanuku” e tō whāea Rameka. Mā tana wharangi pukamata hokona ai ngā hopi mō te rima tāra, ki te tari hoki o te kura.