Kua whai tūranga te reo Māori ki tēnei kura tuarua auraki.
“Tēnei wāhi, tēnei hapori tokoiti noa iho ngā Māori e noho ana i konei. Kei tōna 30 ākonga māori ā-toto nei, engari hāunga ngā mea ākona e au i roto i ngā tau nei. Tokorua pea i tae reo Māori mai,” te kōrero a te kaiako hākinakina, reo Māori anō hoki,” te kōrero a Rikirangi-Thomas.
Ko tētahi o ngā hākinakina kua tōia mai ki te kura ko te Kī o Rahi. Ā, e ai ki te mumu reo nei, koinei tētahi wāhi e kaha rāngona ana te reo e whiua noatia ana.
“Mehemea au e hīkoi noa ana i te kura, ka karawhiua ētahi punua mihi, ētahi punua kīwaha, ētahi aha rānei. Engari ka tino kitea ērā i roto i ngā wāhanga o te Kī o Rahi; ērā kīanga, me ngā whakataukī me ngā pūrākau o nehe. Koirā te whenumitanga pea o ngā mea e rua,” tāna kī.
He kaiako hākinakina, reo Māori anō hoki a Ranginui Rikirangi-Thomas, ā, e rāngona nuitia ana tana koha ki te kura. Ko te whakarewatanga tēnā o te marautanga māori i te tau 2015, i te tīmatanga mai o te kaiako nei ki te kura.
Kāre noa iho e mutu tana whai whakaaro ki konā. E kimi tonu nei a Rikirangi-Thomas i ētahi huarahi e whakatairangatia ai te reo Māori, kaua anake mā roto mai i ngā mahi hākinakina.