Kua tō te rā ki runga i te whakataetae IVF Waka Ama o te Ao i Tahiti. Nō te hau kainga te nuinga ō nga mētara i riro, ko Aotearoa i oti tuarua mai.
Hei tā Steve Harris, mātanga Waka Ama, nō te rirohanga ō ngā mētara 51 kua kite te ao i te maia o Tahiti i ngā mahi whakatere waka. I wehi ia ki ngā mahi o ngā kapa wāhine o Aotearoa, heoi kua kite rawatia e ngā tāne i ngā mahi o ngā kapa o Tahiti. Hei tāna anō, e hia kē nei ngā kaihoe o Tahiti e āhei ki te uru ki ngā kapa, ka ihuwaka tonu ia.
Ko ngā whakataetae i Tahiti tētahi o ngā mea tere rawa o ngā whakataetae 18 katoa. Hui katoa, 41 ngā rīkoata i tūraki i tēnei whakataetae.
He toha mētara whakamutunga tētahi o ngā mahi whakamutunga. Kāore a Pineula Mulivai i pupuri i te kōura i riro i Ahitereiria, heoi kei te harikoa tonu a Jamille Ruka i whiwhi mētara tonu ai tōna kapa. Hei tāna, "hikaka ana te ngākau kua tae ki tērā taumata o te ao i tēnei whakataetae."
E ai ki a Harris nō te mōhio ki ngā āhuatanga i eke ai a Tahiti, rima tekau mā tahi ngā kōura i riro i a rātou. Hei tā Ruka anō hoki, "he rerekē te waka me te rere o te wai." Hei kaupare i aua āhuatanga, i 'tīni tō mātou nei rere o te hoe."
Hei te tau 2020, ka whakakao atu te ao ki runga i a Hilo, Hawai’i mō te whakataetae IVF Waka Ama o te Ao 19.