He rā angitū tēnei mō Aotearoa ki te whakataetae waka ama a Ao ki Tahiti, inā hoki, i eke mārika ngā kaihoe nō Aotearoa ki ngā taumata huhua, ā, kitea whānuitia ana ngā kaihoe nō Aotearoa ki ngā reanga katoa e taki pakanga ana mō ngā taitara toa o te ao.Ki te rēhi tuatahi o te rā, ki te wāhanga wāhine ono tekau tau, neke atu. I toa i a Elizabeth Tāne nō Aotearoa he mētara hiriwa
Ki te hunga i raro iho i te tekau mā ono tau, parekura ana i a Aotearoa ērā nō whenua kē. He mētara koura, hiriwa me te rauwhero ki te kakī. Ko Gaibreill Wainohu te toa o tēnei wāhanga.
Mō ngā tāne i taua reanga, he mētara Hiriwate hua mā Tane Heta nō Aotearoa
Mō te hunga tāne, whā tekau tau, neke atu, ko John Turi Hodges tērā i whakawhiwhia ki te mētara rauwhero.
Ki te wāhanga i raro iho i te tekau mā iwa tau, ko ngā kaihoe nō Aotearoa ērā i whakawhiti tuatahi ai i te rārangi, kia toa ai i a rātou ngā wāhanga e toru.
Ko te mētara rauwhero te hua mā Maylene Papuni ki te wāhanga rima tekau tau piki ake
Ā, ki te rēhi nui o te rā, he pakanga i waenga i ngā toa wāhine o te ao, mō te hunga ika a whiro wāhine, tokowhā ngā kaihoe nō Aotearoa i tēnei rehi.
I wikitōria i a Marama Elkington tēnei rēhi poautinitini, tōna wikitoria tuatahi hei takitahi ki tēnei taumata,
Ko te toa mō ngā tau tekau kua taha ake nei, ko Hinatea Bernadino i mutu tuarua mai ai.
Ka huri te aro ināianei ki ngā rēhi tahi mano mita te tawhiti, mō ngā waka takiono