Kua whāriki whakaaro ngā rangatahi o Te Waimana Kākū ki a Tamati Coffey mō te āhuarangi me te tuku wai ki ngā marae. Ko te taenga tuatahi atu tēnei a te mema Māori o Te Waiariki ki te "whārua", tōna rima rau ngā kainoho o reira. Ka tū a Tamati Coffey ki mua i te hunga kāinga o Te Waimana ki te kōrero kanohi ki te kanohi. “Ko tētahi o ngā take ko te wai ki te Marae i te kōrero rātou mo tētahi o ngā koroua i whakauru i tētahi paipa ki te kōawa kia pai ai te tuku wai ki tōna puna wai kia pai tōna orange”. Mo Marewa Titoko i kōrero ia ki a Coffey mo te āhuatanga o ngā whakawhiu kua tau ki runga i a ia i te wā ka kōrero ia ki te kaunuhera mo te wai te take. “Ko te waimaori kia kore tātau e hono ki te town supply na te nui o te utu, na ngā pēhitanga o te kaunihera wā rātou ture ki runga i wā mātou whāanau kei konei e noho ana he uaua, he uaua!” Nō te tau mā ono kua heke iho te tatauranga o te hunga e noho ana ki konei, mo te hunga kei konei ko te puta ki waho mo te mahi, kua waimarie rānei ki te whiwhi mahi ki runga i ngā pāmu te ngahere hoki. Hei tā Toni Boynton “mo te nuinga o ngā rangatahi ko te kimi i ngā huarahi ki te whiwhi mahi kia kore ai rātou te neke mai konei”. Ko tā Coffey e manako nei kia hoki mai ki konei i mua i te mutunga o te tau.
National | Tamati Coffey