Kua hiki te whakataetae haupoi wāhine, ā, ko Ahitereiria tērā i huri i tā rātau mētara hiriwa hai mētara kōura.
Tē taea e te kapa Rākau Pango te aha i tēnei tukinga, ko te kaha i kitea i ngā whiringa whāiti mō ngā whakataetae Hoawhenua kore kore ana i konei. Ā, ko ngā piro, 4-1 he ata nō te wā whakamutunga i kakari ai ēnei kapa, engari ia ko Ahitereiria kē te whakaihu waka.
Ahakoa kāre ngā Rākau Pango i hua, e aro whakamua tonu ana o rātau whakaaro ki te Whakataetae o Te Ao.
Ka uaua tonu pea ki te whakatutuki i ngā tūmanako he noho nō ngā kapa i takaro ai ēnei whakataetae ki te puna kotahi hai ngā Whakataetae o Te Ao.
Ka tahuri ngā whakaaro o te kapa ki te whakataetae nui, ā, hai te wiki e tū mai nei whakaingoatia ai te kapa mō ngā Whakataetae o Te Ao ki Ingarangi.