Me ko te ua e tāhoro ana tērā ko te karawhiu a ngā kapa ki te whīra e riro ai te wikitōria.
Waipuketia ana te whenua, engari i ū tonu ngā ngākau o ngā kapa ki te kaupapa ahakoa i hinga ai te kapa hanumi o Aotearoa i a Ahitereiria.
Kitea ai te tutūnga o te puehu i waenga i ngā kapa tāne. Pau ana te wā, e 4 ngā piro ki ia kapa, ā, nō te pironga o te kapa o Ahitereiria i te whakaroanga o te kēmu riro ai i a rātau te mana o te whakataetae.
Ahakoa ngā tataunga e mātiro whakamua ana ngā kapa o Aotearoa ki te whakataetae ā-ao ka tū ki Māreihia hai te tau e heke mai nei.
I whakakorengia ai te whiringa whāiti mō te wāhanga ki ngā wāhine he kino nō te karawhiu o te huarere.