I hipa i a Holly Robinson i te rīkoata a Ao mō te wāhanga whiu tao, e whā tekau mā ono inapō, engari auare ake, he mētara hiriwa tonu tāna i whakawhiwhi ai.
Ko tana hoariri, ko Hollie Arnold tērā i eke hoki i te rīkoata a Ao, me te aha, he mētara koura te hua.
Ahakoa tēnei he pō angitū tonu mā Aotearoa, he mētara koura tā Tom Walsh, ā, waiatatia e ia te waiata māori a motu.
Ko Holly Robinson te kai mā ngā mata, i tana whiu tuatahi hipa ai ia i te rīkoata a Ao, whā tekau mā toru ira toru rua mita te tawhiti o tana whiu.
A, nānā te whiu tawhiti rawa, i arahi mai i te timatanga, me te kaha tautoko o te hunga Kiwi i ngā tūru noho.
Pāihiihi ana a Holly i tana hoariri matua, i a Hollie Arnold nō Wērā, i wikitōria i tana whiu whakamutunga, whā tekau mā whā ira whā toru mita te tawhiti o tana whiu.
He mētara hiriwa kua heia ki te kakī o Holly, ā, he mētara koura tā Tom Walsh.
I tana whakawhiwhinga ki tana mētara mō tana whiu rua tekau mā tahi ira whā tahi mita te tawhiti, waiatatia e ia te waiata māori o te motu.