Ka tūwhera anō ngā whare o Te Kura Tuarua o Hato Tīpene. He whakatau tēnei nā Joe Harawira, te heamana o ngā ākonga ō mua o te kura.
He kura kua roa e noho ngū ana, a kō ake nei, haruru ai anō.
“Ka tūwhera anō te kura hei te tau 2020,” te kī a Harawira.
Neke atu i te kotahi rau rima tekau tau te kura e tū-whera ana, ā ko wētahi o ana ākonga ō mua ko ngā kaitōrangapū arā ko Shane Jones me Te Ururoa Flavell. He tānga manawa mā Joe Harawira kua roa nei e whakapau kaha ana kia puta ai tēnei whakatau.
“He rā whakahirahira tēnei,” tana kōrero.
Nō te tau rua mano kati ai ngā kuwaha, nā runga i ngā āwangawanga mō te āhua whawhai ki rō te kura, wētahi raruraru pūtea, wētahi tāera whakaako anō hoki. Heo hei tā Harawira, kia tūwhera anō mai ngā tatau o te kura, he maha ngā hua, ka puta.
“He rā whakahirahira tēnei i runga i te mōhio he roa te wā ko tēnei o ngā kaupapa e kawea nei e tēnei kōmiti. Mai i te tau 2000 tae noa ki tēnei o ngā rā. He rā nui.”
Ko tā Harawira kei te pīrangi ngā tama ō mua kia mahi ngātahi te kura me te haahi ki tētahi huarahi hou.