Hei te pō nei tū ai ngā tohu waiata o Te Moananui a Kiwa ki te Vodafone Events Centre.
Ka whakanui te kaupapa i te angitū o ngā kaiwaiata no ngā moutere me a rātou waiata. Ko tētahi ko Brother Love, ka whakawhiwhia ia ki te tohu lifetime achievement.
Mai i te ākau pīatata o Manihiki ki Māngere, kua hōpara a Rāhui Vaka, a Brother Love rānei, i ngā tōpito katoa o Te Moana-nui-ā-Kiwa, hei whakamīharo, hei whakangahau i ngā marea i roto i ōna mahi waiata.
Rūketekete te mamae, he waiata rongonui ka mātua ake te korikori, te harikoa hoki o te ngākau. Koia nei te waiata i arahi i a Brother Love ki te ikeikenga o ngā rārangi waiata.
Neke atu i te kotahi ira rua miriona ngā wā kua mātakihia ki runga i a YouTube, ā, he āhuatanga ohorere tēnei ki te kaiwaiata.
Ko Rāhui te kairiro tuatahi o te tohu lifetime achievement awards, ā, he whiwhinga whakahirahira tēnei i roto i te mahi pūmau o te manu tīoriori.
Engari ko tāna, kāore anō ōna mahi waiata kua mutu.
Hei tērā wiki, rere rangi atu ana a Rāhui ki Rarotonga kia hopu ataata mo tētahi whitiāhua hei taunaki ake i tōna kōpae hou a 'What a Wonderful World' ka rewa hei te mutunga o te tau.