Ki ngā whiringa toa o ngā whakataetae whutupōro kura tuarua, i tuki atu Te Wharekura o Mauao ki te Kura Tuarua o Manurewa ki Tāmaki Makaurau. He otinga kawareka mō te kura kaupapa Māori tuatahi kua eke ki tēnei taumata whakataetae.
Ko te kapa o Manurewa i ara tuatahi ake, ki te papa tātai. Ka rongo a Mauao i te riri o te iwi kāinga.
He whawhai ururoa mō Mauao i te roanga o te koata tuatahi, kīhai i wāhi i te rārangi ārai o Manurewa. Rua tekau ma whā ki te kore ngā tatau i te wehenga rua. Nō Manurewa anō te mana o te pōro i te wahanga tuarua, ka whai piro anō i tēnei omanga a Shaquiel Ruri.
E rua tekau mēneti e toe ana, ka hoki mai a Bailey Matoe, Kāpene o te kapa Mauao ka whakatutuki i te piro tuatahi mō Tauranga.
Heoi i te mutunga iho tē mau ai te iwi kāinga i ngā manuhiri. Ono tekau ma iwa ki te rima ki te Haikura o Manurewa.
Hei tā te Kāpene o Te Wharekura o Mauao a Bailey Matoe, “'Pai te kēmu, e mihi ki a rātou mō tā rātou kaha i tēnei kēmu. Ahakoa kāre mātou i wini he tohu pai tēra.”
Hei tā te Kāpene o Haikura o Manurewa a Peletina Motuga, “Our match went good, we got the results that we wanted, the boys have been working hard throughout the week and especially with this game it's very special to us, especially qualifying games, we've never been to nationals and to our boys taking the game today it means a lot.”