Kua piki rererangi te kaitākaro kirikiti Māori a Zak Gibson ki ngā tākaro nui o tōna ao. Nōnātata iho nei wehe atu ai ki te hāputa o te riri, arā, te whakataetae punua ipu o te ao ki Bangladesh
Me te mea hoki - Kia ihumanea, kia ihu atamai i te papa tātāwhāinga o te ao te whāinga nui.
Ko āna whakaritenga whakamutunga, ko te rere eropereina atu a Zak Gibson ki ngā papa kirikiti o te ao.
Nō tēnei rā nei wehe atu ai te kapa kirikiti o te motu tekau mā iwa tau heke iho ki rāwāhi.
He para whakawai whakamutunga tōmua i te ipu kirikiti o te ao, ka tū ki roto o Bangladesh.
Āe mārika, ka huihui tahi ngā kapa tekau mā ono ki taua kanikani nui. He tuatahitanga anō rā tēnei mō tēnei uri o Raukawa.
Kotahi noaiho te tangata ka tere ake te whakawhiu o te pōro, ko wai atu - ko tōna māmā.
Me te mōhio tonu koinei ngā Pōtae Pango o te raurangi, korekore ka eke hei ngā tau e tū mai nei.
Ka ngingiha mai te māuri o te whakataetae punua kirikiti o te ao mai i te rua tekau mā whitu o tēnei marama, tae noa atu ki te tekau mā wha o ngā rā o Pēpuere.