Tirama ana ngā whetū pīataata hei whakanui i te mana ū o Te Wharekura o Rakaumanga i roto i ngā tau rua tekau. He mana e ahu mai ana i ngā taitara whakaihuwaka ā-motu e toru i roto i ngā tau, otirā he taitara e puritia ana e rātou i tēnei wā.
Hei tā Kirimaaku Kihi, “E tika ana kia whakamihi i te katoa mo te hunga i tu i roto i ngā rōpū mo ngā rua tekau tau kua pahure."
He toa a Te Wharekura o Rakaumanga i te tau iwa tekau mā rima, i takiri ake i ngā whakataetae i roto o Waikato me Te Waiariki.
Rua mano te tau ka himata ake ngā whakataetae a-motu mo ngā kura tuarua i roto o Tāmaki Makaurau. I kapo ake a Rakaumanga i te taitara i taua tau tonu, ā, ka hāere te wā, ka kapo ano rātou e rua ano ngā taitara.
Ka uru atu hoki a Rakaumanga ki te whakataetae Kura Manatahi a te wiki e tu mai nei, ko ratou ngā toa o te wā. Me te tumanako ano ka riro i a rātou i tēnei taitara tuatoru.