Ko Rongo Keene te toa taumatarau o te whakataetae strongman o Singapore, i tū ki Changi i ngā rangi whakatā. I tae tuatahi mai te uri o Ngāti Pāhauwera i ngā wāhanga e whā o te whakataetae kia riro i a ia te taitara toa whakaihuwaka mō tēnei tau.
Kei te pakari ā-tinana, āe mārika, ēngari hei tā Rongo nā te pakari kē ā-hinengaro ia i toa whakaihuwaka mai ai.
Ināianei kei te huri te aro a Keene me tōna kaiako, a Colin Waitoa, ki huarahi anō. He whakawhānui i tōna tirohanga i te ao te mahi. I rere atu i Singapore ki Te Urupū, Ahitereiria i te rā nei, ki te whakangungu mō ngā marama e toru e haere ake nei.
E hoki pēnei mai ana a Rongo ki te wā kāinga hei te wā o te Aranga ā tērā tau, mō te whakataetae strongman ā-motu.
Photo credit: facebook.com/thebeastkeeno