Ko 'Born to Dance' te kiriata kanikani hou o Aotearoa, nā te ringatohu a Tammy Davis me te kaiwhakaari hou nō Rāhuipōkeka, a Tia-taharoa Maipi.
Kātahi anō te kiriata a 'Born to Dance' ka whakataeranga atu ki te hui kiriata nui o Toronto ki Kānata engari i tēnei pō kua tae mai ki Tāmaki.
Tērā ngā īngoa nui o te motu kei roto i te kiriata, arā, ko te kaikanikani rongonui a Parris Goebel, Stan Walker rātou ko P-Money. Koinei te kiriata tuatahi kua noho a Tammy Davis hei ringatohu, ā, kōrero atu au ki a ia e pā ana ki te kiriata.
Ko Tiataharoa Maipi he kaiwhakaari hou, ā, ko ia te tangata matua i roto i tēnei kiriata. Inātata nei i hoki mai te uri nō Waikato i te Hui Kiriata o Toronto.
Mokori rā tēnā whakamiha, e ai ki te ringatohu o te kiriata, ki a Tammy Davis, nāna te tauir ao mua o Te Wharekura o Rākaumangamanga i kukume ake i tana pā harakeke i Rāhui Pōkeka.
I whai wāhi nui te toki kanikani hip-hop a Parris Goebel ki te kiriata, ā, nānā ngā nekehanga katoa i āta waihanga.
Ka puta te kiriata āpōpō, engari e ai ki a Tammy tērā ngā mīharotanga motuhake kei roto.
I kōrero motuhake atu a Wepiha Te Kanawa kit e kaiwhakaari matua, a Tia-taharoa Maipi.