I tākaro te kapa whutupōro o Te Kura Tuarua o Kaitao Rotohokahoka mo tētahi tūnga ki ngā whiringa whakamutunga mo te ipu toa i waenga i ngā kura tuarua tāne, wāhine.
Na Te Kura Tuarua o Whakaahurangi te mānuka i takoto ki te kapa whutupōro o Te Kura Tuarua o Kaitao Rotahokahoka.
Engari kāre i roa ka puta ngā hapa, he whana hāmene te whiwhi ki te kapa hau kāinga, ā, nā rātou hoki ngā tatau tuatahi, he piro he whana tūānuku hoki i whai atu.
I anga whakamua a Whakaahurangi, ka kapi i a rātou te papa. I mua i te wehenga rua i panaia tētahi o Kaitao Rotahokahoka i te whīra, heoi i whai piro tonu rātou, nā te nama tekau mā toru, kia eke ngā tatau ki te rua tekau.
I te wehenga rua nā ngā whanonga hē o te kapa hau kāinga i ngā nonoke me ngā kakari i aro a Whakaahurangi ki tērā ka eke ā rātou kaute engari kīhae i eke te whana, ka tau rātou ki te waru ngā tatau.
Ka panāia anō tētahi o ngā kaitākaro o Kaitao Rotahokahoka, engari i whai piro tonu.
Engari anō mō Whakaahurangi, kua tō te rā ki runga i to rātou wāhanga whutupōro. I hinga rātou i a Kaitao Rotahokahoka mā ngā kāute tekau mā waru.
Mō te kapa hau kāinga, ka haere rātou ki te tuki ki te Kura Tuarua o Maungatautari hei tēnei Rāhoroi mo tētahi tūnga ki ngā kapa toa e whā o ngā kura tuarua, tāne, wāhine.
Ko ngā kaute whakamutunga, Kaitao Rotahokahoka toru tekau ma tahi, Whakaahurangi tekau ma toru.