He matangirauria i te rironga o Anzac Pikia, he manu kōpara o te ao pāpāho, toru tekau mā rima ōna tau ka riro nei.
I hinga i Rotorua i te ata nei, ao ake i tāna toronga ki te whakatūwheratanga o tētahi whare toi hou. He whetū tārake i mahuta ake i te riu o Waikato, ki ngā mahi pāpāho.
I mahi ia hai kairīpoata mātāmua, hei kaiwhakahaere anō i Te Kāea i ngā tau rua mano mā whā ki te rua mano mā waru.
Nō muri ake ka haere ki Te Reo Tātaki hei kaipīkau i ngā hōtaka reo Māori o konā.
Ka kawea a Anzac kia takoto ki Parawera Marae hei āpōpō.