Ākuanei ka ea te wawatā roa kia whakahokia ngā mahi toi a tētahi tama rongonui o Pilsen ki tōna ūkaipō.
Tata ki te rima tekau ngā mahinga toi a Gottfried Lindauer mō ētahi tīpuna Māori, āhuatanga hoki o ngā kāinga Māori ka whakaaturia ki te wā kāinga o Lindauer i te whenua o the Czech Republic, me te aha, e kaute ana ngā kaiwhakarite i ngā rā ki te whakatuwheratanga o te whakaaturanga a tērā wiki. Ko tā Roman Musil, te Kaiwhakahaere o Te Whare Toi West Bohemian tērā ngā āhuatanga whakahirahira, whakawairua nei i pā i a rātou i Aotearoa e whakarite ana i te whakahokinga mai o ngā mahinga toi.
Kua āta whakairia ngā peita kia taea ai e te kaimātakitaki te hono ā-takitahi nei ki te tīpuna Māori kei te whakaatuhia.
Hei tā Musil, ko te āhua i whakaritea ai ēnei mahinga toi he motuhake ake i tērā mō mahinga toi kē i runga i te whakaaro he kura hira ēnei, e whai wāhi nui ki ngā hītoria o te Māori.
Ka pāho i a Dean Nathan ngā whakanekeneke o te whakatuwheratanga mai i Pilsen a te 6 o Haratua.