Ki nga take i tārāwāhi ināiānei ki Taiwan. Nōnatata nei ka tū te whakataetae poipapa e kīa ana ko "Care Cup" ki Taitung.
I roto i te kaupapa e whai ake nei ka kite ake tātou i ētahi kaitākaro nohinohi no te hapori o Torik e whakarite ana mo te whakataetae i roto tonu i te pātiki raihi.
Ahakoa te kore hū e harikoa tonu ana ēnei tamariki ki te tākaro i te pātiki taratara nei, kāore he aha kia rātou te whiu epa, te pao poro, te oma me te mania haere.
Nā rātou tonu i hanga nga taputapu penei i te rākau hei patu, he rākau anō hei papa, te pōro hoki kua hāngaia mai i te pepa. Ki te pēnei ka ngāwari ake te hahau o te pōro.
Koinei te wāhi pai ake hei ako mā ngā tamariki, ahakoa he papatākaro kei te kura. Ko te painga anō o konei ka taea hoki te whakangahau.
Ko ngā mahi pāmu te oranga o te hapori Torik. Ko te waenganui o te tau te wā hauhake i ngā raihi, mutu ana i tēra ka noho nga pātiki hei wāhi ngahau mā ngā tamariki.