Hei tērā marama ka whakamanahia tētahi kirimana ki waenganui i te Whare Kaporeihana o Aotearoa, te Kaunihera o Ahuriri me te rōpū ā-hapori o te Rōpū ā-Iwi Trust ki Maraenui.
He kirimana kia mārama pai ai te ahunga o Maraenui ki te rongoa i ngā raruraru ā-whare ki reira, whai muri i ngā tau e toru neke atu ngā whare kaporeihana o reira e noho mokemoke ana.
Ko ēnei whare mokemoke, kua kīa he whare hakurara e ngā tāngata nō Maraenui, engari, akuā tonu, ka whakaora anō te wāhi nei.
Ahakoa, kāore anō ngā mokamoka o taua kirimana kia tau noa, ko te tumanako ka mana hei tērā marama, ko te perene, kia tirohia he aha ngā painga mō Maraenui hei ngā tau whā tekau kei te heke mai, kaua ko te whainga poto.
Ae, kei te haere tonu ngā mahi whakatū whare ki Maraenui, nā te whakatūwheratanga o ngā whare e whitu, e rua ngā ruma te nui, i Paenga Whāwhā i tēnei tau.
Heoi, i tērā marama, i puta te whakatau kia turaki ngā whare toru tekau ki konei, nā reira, kei te whakawhitiwhiti kōrero ki te iwi whānui me aha ngā wāhi ka mahue mai.
Ae rā, he painga tō te MoU nei ki te whakaara ake anō te hapori nei, heoi, ehara ko tēnei te mutunga iho o ngā raruraru katoa, nātemea, he uaua rawa te whai rongoa mō ngā raru ā-whare, me āta wetewete, āta kōrero ka tika.