Hakoa tōmuri te taenga mai o te kaiārahi o Mana, mōna e whakatā ana i ngā wharanga ki a ia, i haere tonu ngā whakanuitanga ā Internet-MANA, anō nei i tētahi hui whakaohooho whare karakia te takitini i tēnei te Rātapu.
Heoi ko te whai mahi mā te katoa, te oati a Laila Harré kaiārahi o Internet, ko te whakamahi i ngā paunga pūtea ACC te tino pūtake o ngā moni hou kia whakatipu i ngā mahi hōu.
I te mahuetanga mai a Hone, ko Annette Sykes tērā i hiki i te mānuka ki te whakatakoto i te rautaki a MANA.
I tū atu i ētahi whakautu ki ngā pōkeaotanga o te pōharatanga pēnei i ngā parakuihi, paramanawa kore utu mā ngā tauira, ko te whakakore i ngā kura hourua, he whakatipu i ngā kura kaupapa te tino whāinga.
Heoi, mō te whai huatanga o ēnei hiahia o Internet-MANA, me kaha tonu rātou ki te patipati hoa i ngā pāti nunui o Reipa me Nāhinara, i runga i te mōhio kāore aua pāti e rua i te hiahia mahi tahi ā-kāwanatanga nei.