He rā tēnei i pupū ake ai ngā kāre ā roto o ētahi whānau o Rūātoki i whakaekea e ngā pirihimana i te ata o te tekau mā rima o ngā rā o Whiringa ā nuku, rua mano mā whitu.
I tae atu te kaikōmihana pirihimana o Aotearoa, a Mike Bush ki Rūātoki i tēnei rā ki te tuku whakapāha mō ngā hara o ngā pirihimana i taua wā rā.
Hei tā Kathleen Taipeti, “E pāmamae katoa tonu ana ngā whānau o Rūātoki mēna ka hoki ngā mahara ki taua wā ka tau te pouri ki runga i a rātou.”
I te tau rua mano mā whtiu i whakaekehia e ngā pirihimana te whare o Kathleen ki roto i to rātou kaupapa Operation 8. Ka hari i a ia ki Kawerau, ko anga tamariki i mau ki konei. Ko tōna hara, nā tōna tata ki a Tame Iti. I tēnei rā i hoki ngā pirihimana ki tōna kainga ki te tuku whakapāaha.
He huarahi nui tonu kei mua i te aroaro o ngā pirihimana kia whakahohou i te rongo ki roto i te whārua o Ruatoki engari ko te pātai nui, ka aha inaianei.
He rā tēnei kia haere te kaikōmihana pirihimana o Aotearoa ā kanohi ki te tuku whakapāaha ki ngā whānau i whakaekehia ki roto i te kaupapa Operation 8 heoi ko te mahi nui inaianei kia tuku whakapāaha ki te hāpori.