Kei te huri te tai i te āo hōki rō wai i te urunga atu o tētahi uri o Rongomaiwahine ki tētahi kapa a motu o Ahitereiria.
Kua tohua a Tiwana Pere ki te kapa o Ahitereiria mā te hunga i rāro i te tekau mā waru tau te pakeke. I kōrero atu tā mātou karere, a Ripeka Timutimu ki a Tiwana i Te Whanganui ā Tara.
He tekau mā toru noa iho ōna tau, ēngari kua tākaro ia i te taha o ngā tino o te hōkī rō wai
Nā te tautoko o tōna Pāpā, i piri atu ai Tiwana ki tēnei hākinakina i tā rātou hūnukutanga atu ki Ahitereiria e rima tau ki muri, ā, ānō nei he ika ki te wai te māmā o tāna urutanga atu..
E ai ki tōna korouā, a Rangiwaho Pere, he torutoru noa iho ngā kanohi Māori i tēnei hākinakina, ēngari ko tāna whakahau me kaha te hunga rangatahi ki te whai i tēnei huarahi.
Hēoi, kei te noho rangirua te whānau o Tiwana, me tautoko rātou i a wai.
Ahakoa rā tēnā rangirua, e mārama kitea ana te pūkenga o Tīwana, me tōna māeatanga ake i te hākinakina nei.