He rōpū wāhine Māori kei Pukekohe, e ako ana i ngā mahi raranga, whatu korowai hoki na runga i te māharahara, kei ngaro enei mahi rangatira, ina waihotia kia memeha noa.
Hei tā Jacqueline Tautari, “Korekau enei mahi, i mua a matou ka hāere matou ki te rapu ngā marae e mohio ana rātou ki te mahi i wenei mahi.”
Hei tā Whare Hiku o Ngāpuhi, “Tūturu koia tera ko te tino taonga o wenei kia kore ia e ngaro wenei mahi o a tatou tūpuna o tatou mātua.”
Ko ngā tauira e ngakaunui ana ki te ako i enei momo mahi, ehara ko ngai Māori anake, me te whakahau ano a ngā kaiako, he mea pai tonu kia whānui te puta o ngā mohiotanga.
Otira, e kitea atu ana te nui o te aroha me te whanui o ngā matauranga kei waenga i tēnei rōpū, o Whariki o te Ao, me te aha kāre e kore ka ora tonu ngā mahi raranga, whatu korowai mō ake tonu atu.