Kāore i kitea he paku māuiui i a Piri Weepu i tēnei wiki i Orakei Marae, engari hei tā te kapa Blues ki te hunga pāpaoho i te rā nei I pāngia kētia ia e tēnei mate.
Nō reira kua whakatahia a Weepu mo te whā wiki, kia piki tōna ora whai muri i ngā kitenga a te matawai, i pāngia a ia ki te mate ikura roro ririki.
I tuhi tihau a Weepu i te ahiahi tonu nei kia mihia te hunga taunaki mō te tautoko i a ia.
He āhuatanga ohorere tēnei ki te nuinga me te mōhio i te whakaharatau tahi a Weepu me te kapa, engari tērā ōna māharahara mō te mate māhunga ānini mai i te wā i wehe atu te kapa ki Awherika ki te Tonga i te timatanga o tēnei marama.
I te Hōhipera a Weepu i te rangi nei e mātaitia ana e ngā rata.