Kei te whakaoratia tētahi tikanga hao ika a te Māori ki waenga i ētahi tamariki o Te Tai Tokerau.
He kotahi rau, e rima tekau tau te tawhito o tēnei momo tikanga, ā, kua riro mā Te Pouhere Taonga e whakātu atu ki ngā whakatipuranga o nāianei.
Ināianei kei te whakaakona ēnei tikanga ō mua ki te hunga whakatipu.
Hei te tai pari ka whakaritea te hīnaki, koirā te wā e kuhu mai ngā ika ki ngā hua mānawa kai ai, ā, hei te tai timu ka mahue mai ngā ika ki ngā wai papaku.
Kua rata katoa ngā ākonga o te rohe ki te hopu ika mā tēnei tikanga ō-mua, ā, kua mau ki ngā pukenga hei whāngai i te hiakai.
Ko te mea nui ki ngā tamariki, ko te kai i ngā hua o te rā.