Kua whakatakotohia tētahi whakataunga e Te Karauna ki a Tūhoe, ko ētahi o ngā wāhanga o roto, he kotahi rau whitu tekau miriona tāra, he whakapāha nā te Karauna, me tētahi whakaaetanga kia whakahaere ngatahitia Te Urewera e te karauna me Tūhoe.
Atu i te tuawaru o Paengawhawha, kua whakaritea e Te Uru Taumatua, te waka e whakahaere ana i ngā mahi kereme, tētahi pōti kia mōhiotia ai mēna ka whakaae, ka whakahē rānei ngā uri ki te whakataunga.
I te Hui Ahurei o Tūhoe mō te katoa o ngā rā ko tā mātou karere ko Ripeka Timutimu, ā, i whai hāere ia i ngā whakaaro o te iwi mō te ahunga whakamua mō te whakaaetanga hoki ki te whakataunga kereme o te iwi.