Ko Paddy Whiu te kaitakawaenga Māori tuatahi mō te Tari Pirihimanakua riro ki te ringa kaha o aitua. Koia tera i ngā marama tata nei, e okioki mai ana ki waenga tonu mai i tona whanau me ōna hoa tata.
E kiia ana he tangata ngākau nui, he ngakau aroha ano hoki ki tona iwi Māori.
Kua hinga rā te totara heimata o Ngai Tawake ki te Wao Kū. I hinga atu a Heihana Patrick Paddy Whiu he ono tekau ma toru te pakeke whai muri i tētahi whawhai roa ki te mate pukupuku.
He kairangatangata, i hiki i te kaupapa o te ture, he rangatira whakahe o te Ope Pirihimana i para ai te huarahi mō ngā Pirihimana Māori katoa.
Nāna ano i whakararata i te Māori ki te ringa o te ture, i ngā taimahatanga o te wā, e ai ki tētahi o āna whanaunga he tangata hūmārie a ia, he ngakau aroha ki tōna iwi Māori.
I whakahonoretia a Whiu mo āna mahi pau te kaha i te tau rua mano mā tahi, me te tohu o te Kuini QSM.
I te rangi whakahirahira o Waitangi, i whakanuia a Whiu e te Komihana Pirihimana ki te Silver Merit Award mo āna mahi whakahirahira rawa atu mō te Māori me ngā Wātene Māori i roto i ngā tau whā tekau i mahi ai ia mō te tari.
I tupu whakaritorito mai ai a Whiu ki Mataraua, a, ko tona ūkaipō, ko tōna tūrangawaewae tera ko Kaingahoa Marae i te take o Mongero.
Ko Ngai Tawake ki te Wao Kuu. Te Atihaunui ā Paparangi, ko Ngāpuhi ōna kawai heke.
Oti ake, e kore hoki ki te mura o tona ahi, e tineia, ka mura tonu, ka mura tonu. Ka rongo tonu i tōna reo, ka rongo tonu i tona mamaha ki roto i ngā aratakinga kua waiho ake nei i a ia ki muri mai.