Ko te wā tuatahi tēnei kua huihui ai ngā ope e 2 nei ki te whakanui i te whakarerenga a te kamupene kōhinu o Petrobras i ā rātou whakariterite ki te ngote i ngā hinu i te Raukūmara.
I whakamoemiti te iwi kāinga i te rōpū Greenpeace mō rātou i tautoko ai i ngā tukitukitanga a te iwi ki te tuatoru o ngā kamupene kōhinu kaitā o te ao, i tāpu ai ngā mahi kimi hinu i tō rātou rohe.
I tutū te puehu i te wā i haina te kāwanatanga i tētahi kawenata i te tau 2010, e whakaae ana kia mātaitia tērā o ngā riu moana, me te korenga anō o Te Whānau-a-Apanui i tuku āmine atu.
Ka tere atu te Rainbow Warrior ki Rakiura i te wiki nei, ā tōnā tikanga, hei te Rātū tae atu ai.
Kairīpoata: Mihingarangi Forbes
